سر المبيعات الحقيقية بعيدا عن منافسة السعر

علمود تبيع بشكل صحيح، لازم توفر شروط البيع الصح.والموضوع يتلخص بنقطة بسيطة جدا… لكن تأثيرها كبير:ليش الزبون يشتري منك انت مو من منافسينك؟

 الجواب ما يوقف على منتجك فقط، بل على “القيمة” او “الامان” الي يحس بيه الزبون عندك وما يلكاه بغيرك.ممكن يكون هذا الامان نابع من عدة عناصر، مثل:

الجودة

 السعر

 السرعة

 راحة

 التجربة

 خدمة

 العملاء

 طريقة

 التغليف

 المتانة

 الفكرة نفسها

او حتى الشعور الي يبقى بذهن العميل بعد الشراء

لكن للاسف، اذا نجي للواقع بالعراق، راح نشوف ان تقريبا 80% من المشاريع تعتمد على منافسة السعر فقط… وهنا تبدي المشكلة.

لان صاحب المشروع بهالحالة يكون غير قادر يوصل قيمة منتجه او خدمته للزبون، فيلجأ مباشرة لتخفيض السعر كحل اسهل… لكنه اخطر.

وهذا يسبب عدة مشاكل، منها:

اولا:السعر الرخيص غالبا ينفهم على انه منتج ضعيف او جودة اقل… وهاي فكرة راسخة عند اغلب الزبائن.

ثانيا:لما تنافس بالسعر، انت تجذب زبون ولاؤه للسعر مو الك.يعني ممكن يتركك بأي لحظة، اول ما يشوف سعر اقل عند غيرك.

ثالثا:الزبون الي يدور السعر الارخص، راح يظل يسأل ويقارن بين عشرات الصفحات.وهدفه الوحيد يوصل لاقل رقم… مو لافضل قيمة.

والنتيجة شنو؟رسائل هواي… طلبات قليلة.
وهذا مو حظ ولا سوق تعبان هذا جمهور انت بنفسك زرعته، بسبب اسلوب المنافسة الي اخترته.